Trína faboulus

Hæ hæ hér eru komnar enn fleiri myndir. Þetta eru myndir frá Sálfræðisaumaklúbbnum sem var á fimmtudaginn. Þetta var síðasti sálfræði saumó með okkur öllum því hún Regína er að flytja til Danmerkur í framhaldsnám. Gangi þér vel Regína.
Svo eru myndir frá tónleikum í Klink og Bank. Ég rauk beint eftir vinnu þangað niður eftir á föstudag, en missti af Steini og Árna, en náði þó að sjá aðrar hljómsveitir :)
Ég man ekki hvað hljómsveitin þeirra Þorra, Hulla og Frikka heitir, en þeir voru baneitraðir. Hefði þó viljað sjá Kötu taka lagið með þeim........ en nú hef ég bara eitthvað til að hlakka til.
Svo kom hljómsveitin Forhúð forsetans og voru þau nokkuð mögnuð, þau voru í fallegum bol með mynd af afskorinni forhúð forsetans alblóðugri..........held að forsetanum hefði ekki liðið vel að sjá þetta. Svo kom djöfulli magnað band sem breytti tónleikunum bara í ball. Öllum stólum og sófum var ýtt til hliðar og svo var dansað af sér rassinn. Við Kata, Hjörtur, Gulli og Bergur vorum auðvitað með mögnuð múv á dansgólfinu. Svo eftir þessa gleði var skellt sér í stutta stund á Sirkus. Tókst mér að vera temmileg og fara snemma heim þetta kvöld..... þótt ótrúlegt megi virðast.
Kíkið á myndirnar ;)